侧田 – WeTouch Live 2015世界巡回演唱会（2DVD-ISO5.07G+5.57G）

侧田将於今年6月5、6日，喺红馆举行一连两场《侧田WeTouch Live2015世界巡回演唱会》。为配合演唱会「WeTouch」主题，日前侧田与一位女模影个唱海报，侧田被6呎女模嘅42吋长腿缠住，甚至胸压侧田，艳福无边！

过往侧田演唱会海报，都只得佢一个人，今年将会系佢第5次踏红馆举行个唱，大会安排咗一位6呎女模，同侧田拍摄演唱会海报。虽然女模非常神秘，全程只见手脚唔见样，但身穿黑色透视装嘅佢，事业线若隐若现。

甫埋位，女模喺侧田身后「腿张开」，以42吋长腿搭住佢膊头，为摆靓甫士，佢右脚「斗零踭」就喺侧田两腿之间笃来笃去，最后「降落」喺侧田大髀上。

而另一款甫士，摄影师要求女模从后揽实侧田头部，并一拥入怀，而佢就配合「touch」主题，摸摸女模玉臂，女模坐得不稳，整个上身都要挨住侧田借力，两人几乎「零距离」，而侧田目不斜视亦不敢乱郁动，以免头顶「警钟」！

侧田自爆对长腿情有独钟，佢笑言：「今日女Model真系好高，我喺隔离好似个细路仔，最紧要效果靓！人哋话男人对女人嘅喜好，随住自己年纪，越老越向下走，细个钟意睇样，老咗钟意睇脚，但我好早就钟意欣赏女仔嘅脚，我比较早熟，哈哈！」

以往拍海报都是只有自己一个人，今次不但有人陪，而且同女模有唔少身体接触，佢话：「今次演唱会主题系『WeTouch』，所以要多啲touching，其实人与人之间应该多啲掂吓对方，掂下你爱嘅人，唔好净系掂住自己部手机。我好多时同一班朋友食饭，都唔准大家玩手机，要专心倾偈，要有眼神接触。」

侧田更扬言要求自己个唱上，所有观众放下手机，专心欣赏佢演出

演唱会曲目：

01. 歌成就今天这个我
02. Kong
03. 情歌
04. 好人
05. Three Two One
06. Erica
07. WeTouch
08. 两个女人
09. 一粒糖
10. Make You Feel My Love
11. 我不好爱
12. I Miss Love
13. B.O.K
14. 爽
15. 想你的夜
16. Volar
17. 决战二世祖
18. 未输
19. 三十日
20. 很想很想说再见
21. 男人KTV
22. 我有今日
23. 情永落
24. 运
25. 命硬
26. 红地毡